“Não tenhamos pressa, mas não percamos tempo”. José Saramago.

A Operación Pangono Pangono formámola un grupo de profesionais de perfil técnico (enxeñeiros, frigoristas, electricistas…) que decidimos aportar o noso gran de area para mellorar un pouco a vida dos que menos teñen. Moitos de nós dedicámonos profesionalmente á docencia como profesoras e profesores de Formación Profesional en centro públicos de Galicia.

Non somos unha ONG (nin pretendemos selo). Simplemente tratamos de cambiar un pouco o mundo no que vivimos realizando os traballos que sabemos facer. Se foramos médicos tratariamos de “amañar” ás persoas. Ao ser técnicos, temos que conformarnos con amañar as cousas, iso si, para tratar de mellorar a vida da xente.

Todos os membros da Operación Pangono Pangono realizamos o noso traballo de maneira voluntaria e deixamos a escolla das necesidades de actuación aos que mellor as coñecen, aos que levan anos traballando para reducir as desigualdades sociais e a pobreza. A nosa Operación, simplemente, escoita as necesidades de implantación ou mellora nas instalacións (electricidade, informática..) das entidades coas que colaboramos e tratamos de resolvelas co menor custo posible para a mesma. E se é posible, a custo cero.

Logo de coñecer o inmenso traballo que realiza a Fundación Esteban Vigil por todo o mundo, e concretamente no pequeno país africano de Malawi da man das Misioneras de María Mediadora, decidimos centrar os nosos esforzos e traballos en axudar a esta organización na súa loita contra a pobreza.

Na linguaxe Chichewa, a maioritaria en Malawi, “pangono pangono” podería traducirse como “pouco a pouco”.

O dito, a Operación Pangono Pangono está en marcha.

“Não tenhamos pressa, mas não percamos tempo”. José Saramago.

A  Operación Pangono Pangono está inscrita no rexistro provincial de asociacións de A Coruña co número 2016/020688-1ª. NIF: G70503263

Malawi é un pequeno país do sueste africano. A pesar da súa pobreza, é un dos países máis densamente poboados de África (16 millóns de persoas no 2014). O país non conta con ningunha fonte de riqueza natural (petróleo, carbón, ouro, coltán….). Paradoxicamente, esta pobreza propiciou que o país non se vira afectado por cruentas guerras no século pasado, como é o caso do seu veciño Mozambique.

Nos primeiros anos deste milenio, varios anos de seca provocaron unha baixada importante na produción de millo, alimento básico para a maioría da poboación. No ano 2005, case a metade da poboación, cinco millóns de persoas, estivo a piques de morrer a causa da fame.

Descoñécense as cifras exactas, pero Malawi é un dos países máis castigados do mundo pola SIDA. Estímanse en 600.000 os nenos que perderon a nai e/ou ao pai vítima desta enfermidade.

A pobreza do país golpea especialmente aos máis vulnerables, a infancia e as mulleres. Grazas ao esforzo realizado nos últimos anos, conseguiuse acadar unha taxa na finalización dos estudos primarios do 75%. Nos estudos de secundaria, a taxa de finalización non supera o 50%, maioritariamente homes.

Malawi está actualmente entre os 15 países máis pobres do mundo. Tres quintas partes da poboación seguen a sobrevivir con menos dun dólar ao día

Os proxectos da Operación Pangono Pangono están financiados a través das diferentes actividades que organiza a propia Operación, coas achegas do voluntariado e simpatizantes, e tamén grazas ás empresas colaboradoras. A Operación Pangono Pangono non solicita, e polo tanto non percibe, ningunha achega económica de institucións públicas.

A Operación Pangono Pangono está formada unicamente por voluntari@s, que sufragan de xeito persoal todos os gastos das viaxes para a montaxe dos equipamentos. Deste xeito, o 100% das achegas van destinadas á compra de equipamentos e financiamento dos proxectos.

Actualmente a Operación Pangono Pangono, e grazas ao apoio da empresa colaboradora Nómadas Motorhome, ten en marcha o proxecto #miniVAN_Area49, co que queremos que as mozas estudantes da residencia Amai Maria de Lilongwe (Malawi) poidan dispor dun Minubus (MiniVan) que lles permita continuar coa súa formación nas escolas de secundaria e universidades da capital de Malawi.

Se queres apoiar o proxecto #miniVAN_Area49 temos un crowdfunding aberto na plataforma migranodearena.org. A túa achega, por pequena que sexa, servirá para acadar os fondos suficientes para a compra da MiniVan para as mozas estudantes da residencia da Area49 en Lilongwe.

Link á páxina do proxecto #miniVAN_Area49 en migranodearena.org

Tamén podes colaborar coa Fundación Esteban Vigil. Logo de coñecer o traballo que realiza esta Fundación por medio mundo, asegurámosche que a túa doazón chegará íntegra a onde e a quen máis a precisa.

Non deixes de seguirnos nas nosas redes sociais, Instagram, Facebook ou X. Deste xeito, serás das primeiras persoas en coñecer as novas da Operación Pangono Pangono.

«Mucha gente pequeña, en lugares pequeños, haciendo cosas pequeñas, puede cambiar el mundo». Eduardo Galeano.

Podes contactar con nos a través das nosas contas de Instagram,  Facebook ou X. Tamén nos podes enviar un correo a:

#miniVAN_Area49 – Apoia a educación das mozas de Malawi

Únete a nosotr@s para que las jóvenes de la residencia de estudiantes Amai María del Area49 de Lilongwe puedan disponer de una MiniVan (MiniBus)