Xa fai un tempo que non aparecemos polo blog. O traballo, a rutina, los quehaceres diarios… as veces o envolven a un nunha onda que parece que saír a tomar algo de aire fresco é misión case imposible. De vez en cando fai falta que veña alguén a lembrarnos a razón pola que un día decidimos poñer en marcha a noso proxecto, a nosa Operación Pangono Pangono.
Queremos aproveitar precisamente hoxe, o día do seu aniversario, para recomendarvos que vos deades unha volta polo blog de Mercedes Arbesú, «El silencio del baobab». Mercedes é unha asturiana decidida a cambiar, co seu traballo e tesón, o senfuturo que o destino parecía ter fixado para moitas mozas malawianas. Mercedes está ao fronte da residencia da Area 49 «Amai María», un lugar onde unhas mozas malawianas que tiveron a sorte de ser acollidas na residencia da Area 49, poden continuar cos seus estudios de secundaria na capital de Malawi, Lilongwe, e ter a oportunidade de acabar coa dependencia masculina que viven condenadas aínda a maioría das mulleres de Malawi.
Coñecer en primeira persoa a situación de absoluta dependencia que viven as mulleres en moitos países do mundo o levan a un ao convencemento de que se se quere romper co círculo da pobreza é indispensable dotar ás mulleres de poder e independencia. A educación é, sen dúbida, a mellor arma das que se lle pode dotar. Nesta batalla está Mercedes, que gracias ao seu traballo e das súas compañeiras da Area 49, están a dar a oportunidade dunha nova vida ás rapazas que alí viven.
Parabéns neste día, Mercedes. E moito ánimo co voso traballo!!
Nos seguimos, Pangono Pangono, cos nosos proxectos. Pronto contamos poder darvos novidades do proxecto de bombeo solar que temos en marcha e doutras accións de colaboración que estamos a levar a cabo co equipo da biblioteca do IES Universidade Laboral.
Un saúdo.
Ricardo.
