Celebramos esta semana a cea solidaria na Laboral. Asistiron á mesma setenta compañeiras e compañeiros da Universidade Laboral, ademais de moitos outros que nos apoiaron coa Mesa 0. Grazas, en nome de toda a comunidade da misión de Chezi, a tod@s os que nos estades acompañando e apoiando co noso proxecto para a instalación do sistema de bombeo solar.
O noso agradecemento tamén a La opinión por facerse eco da celebración do evento.
Hoxe ao mediodía realizouse á presentación dunha nova acción solidaria no IES Universidade Laboral. Ás campañas en marcha de recollida de xoguetes e de recollida de alimentos, uniuse a realización dunha cea solidaria o vindeiro xoves 17 de decembro, que se vai realizar no propio centro educativo.
O recadado na cea entre os traballadores e extraballadores da Laboral irá destinado ao proxecto de bombeo solar na misión de Chezi.
Seguimos, Pangono Pangono, co noso proxecto.
Grazas a todos polo apoio que estamos a recibir.
Está claro, tal e como indica un dos #hastag do día do voluntariado, que cada acción, por pequena que sexa, suma #actioncounts, e esperamos que estas pequenas accións axuden a transformar situacións en principio reservadas aos «grandes e poderosos». O que está claro que o cambio ten que partir de todos e cada un de nós, que non se necesita que sexan os grandes mandatarios e gobernantes os que inicien estes «grandes» cambios que se precisan para rematar coas grandes inxustizas deste mundo. Depende, en definitiva, de cada un de nós.
Se coa charla de hoxe conseguimos que un só d@s alumn@s que asistiron á presentación se decida a dar o paso para ser voluntario, xa ten pagado a pena o noso traballo ata agora.